Poet: Jaun Elia
Kuch Kahun Kuch Sunno Zera Thehro
Kuch kahun kuch sunno zera thehro
Abhi zindon mein hoon, zara thehro.
Manzar-e-jashn-e-qatl-e-aam ko mein,
Jhaank kar dekh loon, zara thehro.
Mat nikalna k doob jaao gey,
Khoon hai bas,khoon hi khoon, zara thehro.
Soorat-e-haal apney baahar ki,
Hai abhi tak zaboon, zara thehro.
Haath sey apney likh k naam apna,
Mein tumhein sounp doon, zara thehro.
Mera darwaaza toRney waalo..!!
Mein kaheen chhup rahoon, zara thehro.
Comments are closed.