Poet: Parveen Shakir
Hum Ne Hi Lautne Ka Irada Nahin Kiya
Hum ne ni lautne ka irada nahin kiya
Us ne bhi bhool jane ka vada nahin kiya.
Dukh orrhte nahin jashn-e-tarab main hum,
Malbus-e-dil ko tan ka libada nahin kiya.
Jo gham mila hai bojh uthaya hai us ka khud,
Sar zer-e-bar-e-saghar-o-bada nahin kiya.
Kaar-e-jahan humen bhi bohat thay safar ki sham,
Us ne bhi iltifat zeyada nahin kiya.
Aamad pe teri itr-o-charagh-o-subuu na hon,
Itna bhi bood-o-bash ko saada nahin kiya..!