Dil Ka kiya Hai Wo To Chaahe Ga Musalsil Milna
Poet: Parveen Shakir
Dil ka kiya hai wo to chaahe ga musalsil milna
Wo sitamgar bhi magar soche kisi pal milna.
Wan nahin waqt to hum bhi hain adim-ul-fursat
Us se kya miliye jo har roz kahe kal milna.
Ishq ki rah ke musafir ka muqaddar malum
Shahr ki soch mein ho aur use jangal milna.
Us ka milna hai ajab tarah ka milna jaise
Dasht-e-ummid mein andeshe ka baadal milna.
Daman-e-shab ko agar chaak bhi kar lin to kahan
Nur mein Duba hua subh ka aanchal milna…!