Home / Parveen Shakir / Chalne Ka Hausla Nahin Rukna Muhaal Kar Diya – Perveen Shakir

Chalne Ka Hausla Nahin Rukna Muhaal Kar Diya – Perveen Shakir

Chalne Ka Hausla Nahin Rukna Muhaal Kar Diya

Poet: Perveen Shakir

Chalne Ka Hausla Nahin Rukna Muhaal Kar DiyaGhaza Perveen Shakir Chalne Ka Hausla Nahin

Chalne ka hausla nahin rukna muhaal kar diya
Ishq ke is safar ne to mujh ko niDhaal kar diya.

Ai meri gul-zamin tujhe chah thi ek kitab ki
Ahl-e-kitab ne magar kya tera haal kar diya.

Milte hue dilon ke bich aur tha faisla koi
Us ne magar bichhaDte waqt aur sawal kar diya.

Ab ke hawa ke sath hai daman-e-yar muntazir
Banu-e-shab ke hath mein rakhna sambhaal kar diya.

Mumkina faislon mein ek hijr ka faisla bhi tha
Hum ne to ek baat ki us ne kamal kar diya.

Mere labon pe mohr thi par mere shisha-ru ne to
Shahr ke shahr ko mera waqif-e-haal kar diya.

Chehra o nam ek sath aaj na yaad aa sake
Waqt ne kis shabih ko KHwab o KHayal kar diya.

Muddaton baad us ne aaj mujh se koi gila kiya
Mansab-e-dilbari pe kya mujh ko bahaal kar diya.

Qadmon Mein Bhi Takan Thi Ghar Bhi Qarib Tha

Famous shayari in urdu

Check Also

Gae Musam Mein Jo Khilte The Gulabon Ki Tarah

Gae Musam Mein Jo Khilte The Gulabon Ki Tarah – Parveen Shakir

Gae Musam Mein Jo Khilte The Gulabon Ki Tarah Poet:  Parveen Shakir Gae musam mein …

Leave a Reply

Your email address will not be published. Required fields are marked *