Home / Ahmad Faraz / Aisa Hai Kh Sab Khwab Musalsal Nahin Hote – Faraz

Aisa Hai Kh Sab Khwab Musalsal Nahin Hote – Faraz

Aisa Hai Kh Sab Khwab Musalsal Nahin Hote

Poet: Ahmad Faraz

Aisa Hai Kh Sab Khwab Musalsal Nahin Hote

Aisa hai ki sab KHwab musalsal nahin hote
Jo aaj to hote hain magar kal nahin hote.

Andar ki fazaon ke karishme bhi ajab hain
Meinh TuT ke barse bhi to baadal nahin hote.

Kuchh mushkilen aisi hain ki aasan nahin hotin
Kuchh aise muamme hain kabhi hal nahin hote.

Shaistagi-e-gham ke sabab aankhon ke sahra
Namnak to ho jate hain jal-thal nahin hote .

Kaise hi talatum hon magar qulzum-e-jaan mein
Kuchh yaad-jazire hain ki ojhal nahin hote.

Ushshaq ke manind kai ahl-e-hawas bhi
Pagal to nazar aate hain pagal nahin hote.

Sab KHwahishen puri hon ‘faraaz’ aisa nahin hai
Jaise kai ashaar mukammal nahin hote.

Ghazal – Silsilay Tor Gaya
Do not be jealous

Check Also

Qurbat Bhi Nahin Dil Se

Qurbat Bhi Nahin Dil Se Utar Bhi Nahin Jata

Qurbat Bhi Nahin Dil Se Utar Bhi Nahin Jata Poet: Ahmad Faraz Part 1 Qurbat …

Leave a Reply

Your email address will not be published. Required fields are marked *