Home / Jaun Elia / Deed Ki Aik Aan Mein Kaar-e-Dwaam Ho Gaya

Deed Ki Aik Aan Mein Kaar-e-Dwaam Ho Gaya

Deed Ki Aik Aan Mein Kaar-e-Dwaam Ho Gaya

Poet: Jaun Elia

Deed Ki Aik Aan Mein Kaar-e-Dwaam Ho GayaGhazal Jaun Elia Deed Ki Aik Aan Mein

Deed ki aik aan mein kaar-e-dwaam ho gaya
Wo bhi tamaam ho gaya main bhi tamaam ho gaya.

Ab main hun ek azaab mein aur ajab azaab mein,
Jannat-e-pur-sukoot mein mujh se kalaam ho gaya.

Aah wo aish-e-raaz-e-jaan haye wo aish-e-raaz-e-jaan,
Haye wo aish-e-raaz-e-jaan shahar mein aam ho gaya.

Rishta-e-rang-e-jaan mera nik’hat-e-naaz se teri,
Pukhta hua aur is qadar yaani ki khaam ho gaya.

Poochh na wasl ka hisaab haal hai ab bahut kharaab,
Rishta-e-jism-o-jaan ke beech jism haraam ho gaya.

Shahar ki dastaan na poochh hai ye ajeeb dastaan,
Aane se shahryaar ke shahar ghulaam ho gaya.

Dil ki kahaniyan banin koocha-ba-koocha ku-ba-ku,
Sah ke malaal-e-shahar ko shahar mein naam ho gaya.

‘Jaun’ ki tishnagi ka tha khoob hi maajra ke jo,
Meena-ba-meena may-ba-may jaam-ba-jaam ho gaya.

Naaf-pyaale ko tere dekh liya mughaa’n ne jaan,
Saare hi may-kade ka aaj kaam tamaam ho gaya.

Us ki nigah uth gayi aur mein uth ke rah gaya,
Meri nigah jhuk gayi aur salaam ho gaya…!

Ek Saya Mera Masiha Tha – Jaun Elia

Allama Iqbal Poetry

Check Also

Umer Guzre Gi Ab Imtihan Mein Kya

Umer Guzre Gi Ab Imtihan Mein Kya – Jaun Elia

Umer Guzre Gi Ab Imtihan Mein Kya Poet:  Jaun Elia Umer guzre gi ab imtihan …

Leave a Reply

Your email address will not be published. Required fields are marked *